Gogorarazi behar da alegatutako merezimenduak (egindako lana: enpresa bakoitzaren ziurtagiria edo lan-kontratuaren kopia edo nominako ordainagirien kopia / titulazio eta gradu akademiko ofizialak eta hizkuntzak) egiaztatzeko ziurtagiriak aurkeztu behar direla, kanpo-estaldurako prozesu honen deialdiko oinarrietan adierazitakoak.

Hautagaiek alegazioak aurkeztu ahal izango dituzte azterketaren edukiari eta erantzun korrelatiboei buruz, idatziz, ggbb.deialdiak@bizkaia.eus helbidean, egutegiko 4 eguneko epean, aipatutako argitalpenaren biharamunetik zenbatzen hasita.

Merezimendu gisa adostutako probak (azterketa) 2026ko martxoaren 17an egingo dira, 16:00an, Lantik SA MPren eraikinean (Sabino Arana 44, 48013 Bilbo)

Baztertutakoek alegazioak egin ahal izango dituzte idatziz ggbb.deialdiak@bizkaia.eus helbide elektronikora mezu bat bidalita argitaratzea gauzatu eta hurrengo egunetik aurrera kontatzen hasita 4 egun naturaleko epean.

Alegazioak egiteko epea bukatzen denean hautagaien behin betiko zerrenda argitaratuko da.

Baldintza orokorrak:

• Unibertsitateko titulu ofiziala (gradua edo homologatu daitekeen beste titulu bat).
• Komunikazio/sare/azpiegitura sistemak ezartzen eta mantentzen gutxienez lau (4) urteko esperientzia profesionala izatea, edo arkitektura diseinatzeko, politika teknologikoak lantzeko eta zabaltzeko lan teknikoak egin izana.

Baldintza espezifikoak:

Zientzia, Berrikuntza eta Unibertsitate Ministerioaren Unibertsitate, Zentro eta Tituluen Erregistroaren (RUCT) arabera (irailaren 12ko 1509/2008 EDren bidez sortua), Goi Mailako Hezkuntzako Kualifikazioen Espainiako Esparruko (MECES) 2. mailako titulazioak (graduak) sartzen dira, baldin eta honako ezaugarri hauek badituzte:

• Ingeniaritza eta Arkitektura adarreko hauek:
  • Informatikaren eta sistemen ingeniaritza ikerketa-arloko titulazioak.
  • Ingeniaritza elektriko, ingeniaritza elektroniko eta telekomunikazio-ingeniaritza ikerketa-arloko titulazioak.
  • Matematika eta estatistika ikerketa-arloko titulazioak.
  • Informatika eta telekomunikazio-ingeniaritza titulazioak.
  • Industria-diseinuko ingeniaritza, industria-diseinua eta produktu-garapeneko titulazioak.
  • Diseinu digitaleko titulazioak.
  • Datuen-zientzia, adimen artifizialeko sistemen ingeniaritza, adimen artifiziala edo ingeniaritza konputazionala titulazioak.
  • Topografia-ingeniaritza teknikoko titulazioak.
• Zientzia adarreko hauek:
  • Matematika eta estatistika ikerketa-arloko titulazioak.
  • Fisika eta astronomia ikerketa-arloaren barruko titulazioak.
  • Fisika- edo matematika-zientzietako titulazioak.
  • Datuen zientzia, adimen artifizialeko sistemen ingeniaritza, adimen artifiziala edo ingeniaritza konputazionala titulazioak.

Deialdi honetako lanpostuetarako proposatutako hautagaiekin zein aukeratu gabekoekin lanpostu mugagabeetarako lan poltsa bat eratuko da, enpresaren antolakuntza-beharrak asetzeko.

Lan poltsa, gehienez, indarrean egongo da 2027ko abenduaren 31ra arte edo poltsan dagoen pertsona bakoitza enpresak modu mugagabean kontrata dadin behin proposatu arte, hori aipatutako data baino lehen gertatuko balitz.

Hau eskaintzen da:

Berehala lanean hastea, kontratu mugagabea (txanda-kontratua formalizatzearekin lotu daitekeena) eta lanpostuaren erantzukizunari eta ezaugarriei dagokion ordainsari ekonomikoa.

Eskaerak eta eskabideak bitarteko elektronikoak erabiliz aurkeztuko dira web helbide honetan: www.lantik.bizkaia.eus (LANTIK SA-KO LANPOSTUAK BETETZEA). Bestela, 39/2015 Legean, Administrazio Publikoen Administrazio Prozedura Erkideari buruzkoan, xedatutakoarekin bat egingo da. Epea 2026ko otsailaren 22an amaituko da (egun hori barne).