LEGE-OHARRA
Halaber, lantik.bizkaia.eus webgunearen gaineko jabetza industrialaren eta intelektualaren eskubide guztiak eta horren inguruko edukien eskubide guztiak (testuak, irudia, soinuak, audioa, bideoa, diseinuak, sormenak, softwarea) Lantiki dagozkio.
Erabiltzaileak osagai guztiak ikusi, inprimatu, erreproduzitu, kopiatu eta disko gogorrean gorde ditzake, bai eta beste edozein euskarri fisikotan ere, baldin eta jatorrizko edukia errespetatu eta hori aldatzen ez bada.
Datu pertsonalen babesaren bermea
Lantikek bere webgunera sartzeko eta hori erabiltzeko aukera eskaintzen dio edozein pertsonari. Webgune horrek Europako Parlamentuaren eta Kontseiluaren 2016ko apirilaren 27ko 2016/679 Erregelamendua (EB) betetzen du, datu pertsonalen tratamenduari eta datu horien zirkulazio libreari dagokienez pertsona fisikoen babesari buruzkoa, 95/46/CE Zuzentaraua (datuak babesteko araudi orokorra) indargabetzen duena. Lantikek bertan erregelamendu horretan aurreikusten diren betebeharrak aztertu ditu eta, datuen tratamenduan, arriskurako egokia den segurtasun maila bermatzeko egokiak diren neurri tekniko eta antolatzaileak ezarri ditu. Aipaturiko datu pertsonalak gaur egun indarrean dagoen araudiak onartzen duen moduan eta ezartzen dituen muga eta eskubideekin bat etorriz erabiliko dira.
Hala, 2016/679 Erregelamenduko (EB) 6. artikuluaren arabera, Lantik arduradun den datuen tratamendu guztiak, soilik horien legezko tratamendurako baldintzetako bat ematen denean gauzatuko dira.
Edonola ere, helburu sozialaren araberako jardueren garapen egokia egitea eta agindu zaizkion bestelako eginkizunak (zuzenean edo zeharka aipaturiko helburuarekin zerikusia dutenak) betetzea dira tratamenduaren xedeak.
Lantikek eskura dituen datu pertsonalen inguruko informazioaren zuhurtasuna, sekretua eta konfidentzialtasuna ahalik eta hobekien gordetzeko konpromisoa hartu du.
Tratamendu-jardueren erregistroa
Sarrera
DBEOren 30. artikuluak (Tratamendu jardueren erregistroa) ezartzen du tratamenduaren arduradun bakoitzak eta, hala badagokio, tratamendu eragile bakoitzak bere erantzukizunpean egindako tratamendu jardueren erregistro bat izango duela.
Jarraian, Lantikeko datu pertsonalen tratamendua argitaratuko da, 2016/679 (EB) Erregelamenduaren (DBEO) 30. artikulua eta Datu Pertsonalak Babesteari eta Eskubide Digitalak Bermatzeari buruzko 3/2018 Lege Organikoaren (DBLO) 31. eta 77. artikuluak betez.
- Zer eskubide pertsonal erabil ditzakezu Lantik zerbitzuan?
- Nor da DBO?
- Nola jarriko naiz harremanetan tratamenduaren arduradunarekin?
- Zenbat denboran gordetzen dira datuak Lantik erakundean?
- Lantiken profilak egiten dira?
- Zer segurtasun-neurri aplikatzen ditugu datuen tratamenduan?
- Zein harreman du Lantikek datuen tratamenduaz arduratzen den pertsonarekin?
Zer eskubide pertsonal erabil ditzakezu Lantik zerbitzuan?
Interesdunak datuak ikusi, zuzendu eta ezabatzeko eskubideak eta datuen tratamendua mugatzeko, horri uko egiteko edo datuak eramateko eskubideak baliatu ahalko ditu jarraian aipatuko diren kanalen bidez.
Adostasuna oinarria legitimoa den tratamenduetan, interesdunak edozein unetan baliogabetu ahal izango du bere adostasuna, baina horrek ez du eraginik izango datuak kendu aurreko tratamenduaren legitimitatean.
Aurrez aurreko kanala:
Horretarako idazki bat aurkeztu behar da Segurtasun Sailari zuzenduta Sabino Arana etorbideko, 44. zenbakian (Bilbo). Pertsonak bere identitatea egiaztatu beharko du, NANa edo nortasun agiri baliokide bat erakutsiz.
Kanal elektronikoa:
Idatzi bat aurkeztuz zuzendaritzan: ARSOLP lantik eskubideak
Kontuan izan zure eskaera gaituriko plataforma elektronikoaren bidez aurkezteko, zure nortasuna egiaztatu beharko duzula autentikazio-mekanismo hauetakoren baten bitartez: B@k, B@kQ edo ziurtagiri digitalak (esate baterako, Izenpeko herritar-ziurtagiria edo NAN elektronikoa)
Halaber, hasitako ekintzari uko egiteko eskubidea izango du, datu pertsonalen tratamendutik adostasuna kenduz.
Erantzuna ezezkoa bada edo hilabeteko epean erantzunik jasotzen ez baduzu (erantzun-epearen luzapena jakinarazi ez bazaizu), erreklamazio bat aurkez dezakezu Datuak Babesteko Espainiako Bulegoan
Nor da DBO?
Bizkaiko Foru Aldundiaren Aholkularitza Juridiko, Informazioaren Segurtasuna eta Datuak Babesteko Ataleko Burutza da Lantik erakundearen datuak babesteko ordezkaria.
Bizkaiko Foru Aldundiaren eta sektore publikoko foru-erakundeen DBO sortzea, izendatzea eta arautzea Gobernu Kontseiluaren 2018ko maiatzaren 15eko Erabakiaren bidez onartu zen. Izendapen hori Bizkaiko Aldizkari Ofizialean argitaratu zen, BAO, 99 zk., 2018ko maiatzaren 24koa, eta haren jakinarazpen ofiziala egin zitzaion Datuak Babesteko Euskal Bulegoari.
Bizkaiko Foru Aldundiak eta haren foru-erakundeek datuen babesari buruz egiten dituzten kontsulta guztietarako, hona jo dezakezue.
Nola jarriko naiz harremanetan tratamenduaren arduradunarekin?
- 946 083 566
- programak@bizkaia.eus
Zenbat denboran gordetzen dira datuak Lantik erakundean?
Arau orokor gisa, datu pertsonalak jarduerari edo zerbitzuari dagokion prozedura izapidetzeko behar den denboran gordetzen dira eta, gainera, tratamenduaren beraren ondorioz gerora izan daitezkeen erantzukizunak iraungitzeko preskripzio-epea edo ondorengo iraungitze-epea betetzen den bitartean ere gordetzen dira, betiere kontuan hartuta DPBLO-EDB legearen IV. tituluan datu pertsonalen tratamendurako jasotzen dituen epe espezifikoak.
Lantiken profilak egiten dira?
Lantik S.A.M.P.-k ez du profilik egiten. Ez da tratamendu automatizatu batean egindako alderdi pertsonalen ebaluazio sistematiko eta sakonik egiten, horren gainean oinarrituz pertsonengan ondorio juridikoak dituzten edo nabarmen eragiten dieten erabakiak hartzea.
Zer segurtasun-neurri aplikatzen ditugu datuen tratamenduan?
Ezarritako segurtasun neurriak bat datoz Administrazio Elektronikoaren esparruko Segurtasunerako Eskema Nazionala arautzen duen maiatzaren 3ko 311/2022 Errege Dekretuaren II. eranskinean xedatutakoekin.
Zein harreman du Lantikek datuen tratamenduaz arduratzen den pertsonarekin?
Tratamenduaz arduratzen den pertsona da: “tratamenduaren arduradunaren izenean datu pertsonalak tratatzen dituena (pertsona fisikoa edo juridikoa, herri administrazioa, zerbitzua edo beste erakundea)”, Datuak Babesteko Erregelamendu Orokorraren arabera (4. artikulua).
Lantikek, tratamenduaz arduratzen denean, segurtasun neurri teknikoak eta antolakuntzazkoak aplikatzeko berme nahikoak ematen dituzten tratamenduaz arduratzen diren pertsonekin soilik du harremana, Datuak Babesteko Erregelamendu Orokorraren 28. artikuluarekin bat eginda.
Horrela, datu pertsonalen erabilerak Lantikek bere arduradunekiko zehazten, ezartzen eta eguneratzen dituen jarraibideak betetzen ditu. Era berean, erabilera bat dator datuen babeseko indarreko araudiarekin.
- Nola jartzen gara harremanetan tratamenduaren arduradunekin eta nola arautzen dugu harreman hori?
- Nortzuk hartzen dute esku Lantikeko tratamenduaren arduretan?
- Nola formalizatzen dira tratamendu enkarguak Lantiken tratamenduaren arduradunaren eta kargudunaren artean?
Informazioa tratamenduaz arduratzen diren pertsonei buruzko orrian kontsulta daiteke.