Baztertutakoek alegazioak egin ahal izango dituzte idatziz ggbb.deialdiak@bizkaia.eus helbide elektronikora mezu bat bidalita argitaratzea gauzatu eta hurrengo egunetik aurrera kontatzen hasita 4 egun naturaleko epean.

Alegazioak egiteko epea bukatzen denean hautagaien behin betiko zerrenda argitaratuko da.

Baldintza orokorrak:

• Unibertsitateko titulu ofiziala (gradua edo homologatu daitekeen beste titulu bat).

Baldintza espezifikoak:

• Ingeles-maila idatzi eta ahozkoa (C1).
• Gutxienez lau urteko esperientzia profesionala berrikuntza-proiektuetan eta berrikuntza-proiektuen kudeaketan, erakunde parte-hartzaile askorekin, baldin eta sortzen ari diren teknologia disruptiboak (adimen artifiziala, big data, blockchain, bioteknologia, IoT, metaversoa, quantuma eta/edo robotika) eta ekosistemaren antolaketa egokia erabakigarriak izan badira.

Aintzat hartuko da:

• Administrazio publikoan edo enpresa publikoetan garatutako lan berdina edo antzekoa
• Enpresa pribatuetan garatutako lan berdina edo antzekoa
• Bestelako titulazio eta gradu akademiko ofizialak
• Hizkuntzak: Euskara eta Ingelesa

Hau eskaintzen da:

Berehala lanean hastea, kontratu mugagabea (txanda-kontratua formalizatzearekin lotu daitekeena) eta lanpostuaren erantzukizunari eta ezaugarriei dagokion ordainsari ekonomikoa.

Eskaerak eta eskabideak bitarteko elektronikoak erabiliz aurkeztuko dira web helbide honetan: www.lantik.bizkaia.eus (LANTIK SA-KO LANPOSTUAK BETETZEA). Bestela, 39/2015 Legean, Administrazio Publikoen Administrazio Prozedura Erkideari buruzkoan, xedatutakoarekin bat egingo da. Epea 2026ko otsailaren 22an amaituko da (egun hori barne).